Plantun de Prouvènço

Pèr coumpara dos planto d'encò nostre

Gentiana orbicularis & Alchemilla xanthochlora

Genciano(-di-fueio-redouno)

Gentiana orbicularis

Gentianaceae

Àutri noum : Gensianeta, Gansaneta, Preiret.

Nom en français : Gentiane à feuilles orbiculaires.

Descripcioun :
La genciano-di-fueio-redouno vèn dins li pelouso roucaiouso umido e lis esboudèu fres d'auto mountagno. Es uno planto basso que trachis en mato e flouris après lou desneva. Li fueio coume li flour soun redouno, pamens èi subretout emé soun "calice" di proun ala (alo > 0,5 mm), que se destrìo de sa cousino la genciano-di-fueio-courto, Gentiana brachyphylla, que se vèi dins li mémi relarg.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 2 à 6 cm
Fueio : óupousado
Tipe bioulougico :
Cicle bioulougico : Planto renadivo

Gènre : Gentiana
Famiho : Gentianaceae

Ordre : Gentianales

Coulour de la flour : Bluio
Petalo : 5
Ø (o loungour) flour : 1,5 à 2,5 cm
Flourido : Printèms - Estiéu

Sòu : Ca
Autour basso e auto : 1800 à 2800 m
Aparado : Noun
Jun à avoust

Liò : Pelouso roucaiouso umido - Esboudèu fres
Estànci : Aupen
Couroulougi : Ouroufito-Sud-Éuroupenco
Ref. sc. : Gentiana orbicularis Schur, 1852

Pato-de-lioun(-jauno-e-verdo)

Alchemilla xanthochlora

Rosaceae

Nom en français : Alchémille jaune vert.

Descripcioun :
Li pato-de-lioun soun maleisado à destria. Pamens aquelo, pulèu coumuno dins li relarg fres e umide de mountagno èi pas la mai tihouso. Es uno planto pulèu grando e bèn drecho emé uno enflourejado que despasso bèn li fueio. Dóu group ALCHEMILLA, fau verifica que s'atrobon proun de dènt sus li tros de fueio, que i'ague ges de péu sus l'ipantium (ensèn di pèço souto l'ouvàri), nimai sus lou dessubre di fueio ; pamens li péu de pecou de fueio soun bèn dre.

Usanço :
Li fueio (ensalado e té) coume li racino soun manjadisso. Èi couneigudo pèr sougna li plago, li bruladuro e pèr sarra li car, adounc bono contro la cacagno. Tambèn s'utiliso pèr d'ùni proublèmo de femo (règlo, pacholo...).

Port : Erbo
Taio : 15 à 60 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Alchemilla
Famiho : Rosaceae

Ordre : Rosales

Coulour de la flour : Jauno
Petalo : 4
Ø (o loungour) flour : 2 à 3 mm
Flourido : Printèms - Estiéu

Sòu : Ca
Autour basso e auto : 100 à 2400 m
Aparado : Noun
Mai à juliet

Liò : Pelouso fresco - Riéusset - Prado à rousèu
Estànci : Subremediterran à Subaupen
Couroulougi : Éuroupenco
Ref. sc. : Alchemilla xanthochlora Rothm., 1937 (= Alchemilla vulgaris auct. )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Gentiana orbicularis & Alchemilla xanthochlora

ges

Coumpara Genciano(-di-fueio-redouno) emé uno autro planto

Coumpara Pato-de-lioun(-jauno-e-verdo) emé uno autro planto